Motelemeli mwa politiki Jean Marc Kabund apamelaki makasi maye abengi « manœuvre tyrannique » ya mokonzi mwa mboka Félix Tshisekedi nsima na mbulamatari ya Afrique du Sud koboyela ye visa ya kosangana na likita linene lia kimia (Conférence internationale sur la paix) oyo ebongisami na Fondation Thabo Mbeki.
Bokonzi bwa Tshisekedi eningani liboso lia bosolo ! Na mitindo mabe oyo, bapekisaki ngai nakende na Afrique du Sud.
esakoli ye
Kabund afundi Kinshasa na kokota na diplomatie ya Afrique du Sud mpe kobuka makoki ma bomoto na kosenga koboya kopesa visa na « opposant politique ».
Kolanda ye, Pretoria ezali bongo kolongwa na « héritage politique » ya Nelson Mandela :
Soki bokonzi oyo esengelaki kolanda ba opposants congolais na territoire ya Afrique du Sud, elingaki koboya ata moke te.
elobi ye lisusu
Likambo liye lizali kolakisa, kolanda mokambi mwa kala ya Assemblée nationale, mposa ya bakonzi ya kopekisa bonsomi bwa koloba mpe kobangisa opposition politique. Ezali mpe kobimisa mituna mpo na autonomie diplomatique ya Afrique du Sud liboso ya pression ya Kinshasa.
