Sima ya kozala na molulu mwa bokotisi mokonzi ya mboka Afrique du Sud Cyril Ramaphosa o mosala, mokonzi ya mboka RDC Félix Tshisekedi, akomi o engumba Lubumbashi mokolo mwa misato ya mposo oyo na pokwa.
Kolanda maloba mwa mokambi ya SNCC Fabien Mutomb, Félix Tshisekedi akeyi o etuka ya Haut-Katanga mpo na makambo mibale : ya liboso, kobandisa misala mia sika oyo SNCC ezwi likanisi lia kosala. Ya mibale, kobandisa mateya ya Kaniama Kasese mpo na mbala mwa yambo o etuka wana.
Boyeba ete, soki eloko moko ebungwani na ngonga ya suka te, esengeli milulu miango misalema mokolo mwa minei ya mposo oyo.
