Ebandeli ya mobu ya kelasi 2022-2023 etiamaki mpo na mokolo ya mitano sanza ya libwa na ekolo RDC mobimba, elakisi calendrier scolaire ya Ministère ya Éducation Primaire, Secondaire et Technique (EPST).
Engebene na mokanda yango, bozongi boye na kelasi bokosalema engebene na mabongisi ya loi cadre ya le 11 février 2014 oyo etali mateya ya ekolo mpe protocole ya bitumba na Covid-19 na biteyelo (botosi makasi ya ba mesures de barrière).
Calendrier scolaire oyo, engebene na mokanda, ekoki ko bongwama kaka na Ministre ya Éducation Primaire, Secondaire et Technique (EPST).
Bakonzi ya bituka ya EPST, mpo na yango, basengi bango kotosa mpenza manaka maye tolobeli liboso.
