Bwato moko ezindaki na mayi ya laki Albert na ntongo ya mokolo ya zomi na minei ya sanza ya mitano oyo (14 mai). Moto moko akufi mpe biloko ebele ebungi na mayi.
Kolanda biro ya « protection civile » na etuka ya Ituri, na nzela ya Robert Ndjalonga oyo na azali mokambi na yango, bato basusu motoba (6) babikisamaki na nzela ya lisungi lia balobi mbisi.
Masuwa oyo ebebaki, ezalaki kolongwa Buguma o mboka Ouganda mpo na kokende na Tchomia, etando moko ya Bahema-Banywagi na kati ya territoire ya Djugu.
Liziba yango moko elobaki ete likambo yango esalemaki mpo na mipɛpɛ makasi mpe mipɛpɛ makasi oyo euti koleka kala mingi te na laki Albert.
