Ndembo ya Ituri ezui likambo mosusu ya mawa. Didier Ngoy, mosani ya CS Eldorado oyo azalaki kobunda na LINAFOOT D2, abomamaki na kobangabanga na mpokwa ya mardi 19 août kino mercredi 20 août 2025, na Bunia.
Engebene na maziba ma mboka, likambo lia mawa esalemaki pene na ngonga ya ntuku ibale na moko, mosika te na Stade Amani. Lokola azokaki makasi, elenge mosani yango amemamaki nokinoki na esika ya monganga na engumba yango. Atako monganga asalisaki ye, akufaki mpo na bapota oyo azwaki. Nzoto na ye epesamaki na ndeko ya maili ya Balidja Décor, na kozelaka bosali bwa matanga.
Bobomi boye ebimisi nkanda makasi na mokili ya masano ya Ituri.
Tozali lisusu kokweisa lolenge yango ya kosalela basani. Tika ete ba services ya sécurité ezwa mobimba mokumba na bango ya kobatela population mpe biloko na bango, na esika ya kobeta bango masasi.
elobi mosali moko ya Eldorado
Didier Ngoy amipesaki na etuluku na ye ya CS Eldorado, baninga ba ye mpe lisanga mobimba ya masano ya Bunia bazali kolela bobungisi ya mosani moko oyo alongwaki noki mingi.
